HSE Career Tips

السلام عليكم ورحمه الله وبركاته انا مهندس – عطالله خالد

وانهارده مع اول بوست فى السلامه والصحه المهنيه وتأمين بيئه العمل وزى ما وعدناكم فى مبادره كاريرى اونلاين اننا هدفنا نقل العلم والخبرات الخاصه بالقطاع الصناعى فى شكل بسيط هادف يصل بك للاحتراف فى اقل وقت بدون اى تكلفه عليك .

-          احنا هنتكلم عن السلامه والصحه المهنيه فى اطار علمي هيتناول كل جوانب السلامه والصحه المهنيه فى القطاع الصناعى بدايه من تعريف السلامه والصحه المهنيه وهل هى لسه اسمها امن صناعى ولا المفاهيم تطورت وشملت اجزاء كبيره فى بيئه العمل وايه هى القوانين اللى هنشتغل عليها وكمان الدرجات الوظيفيه فى المجال ومين اسمه مهندس وليه ومين تانى اسمه فنى وليه ودور كل واحد فى منظمه السلامه والصحه المهنيه وكمان هنتلكم عن الشهادات اللازمه لشغل هذه الوظيفه وكمان الجهات المعتمده فى مصر وكمان اشهر الشهادات العالميه فى المجال وهنأهلك بخطوات بسيطه وسهله التطبيق انك تنطلق فى المجال بكل سهوله هنعرفك اهم مؤشرات الاداء فى كل وظيفه وهنشرحهالك وهنتكلم عن اجراءا الاصابه والتفتيشات المختلفه ودور السلامه والصحه المهنيه فى تنظيم واداره بيئه العمل وتجنب كل المخالفات الخاصه بمكتب السلامه والصحه المهنيه .

طيب خلونا بقى نتكلم فى حاجات عامه فى السلامه والصحه المهينه نراجع بيها المعروف ونأكد عليه .

يعني ايه سلامة وصحة مهنية

-          السلامة والصحة المهنية هي مجموعة من الأجراءات تهدف إلى حماية العاملين بالمصانع ومنشآت العمل من الحوادث المحتملة التي قد تسبب بإصابات للعامل أو وفاة لاقدر الله وأيضاً أضرار أو تلفيات لممتلكات المنشأة.

اهداف السلامة والصحة المهنية

-          حماية العنصر البشري من الإصابات الناجمة عن مخاطر بيئة العمل وذلك بمنع تعرضهم للحوادث والإصابات والأمراض المهنية.

-           الحفاظ على مقـومات العنصر المادي المتمثل في المنشآت وما تحتويه من أجهزة ومعدات من التلف والضياع نتيجة للحوادث.

-          توفير وتنفيذ كافة اشتراطات وقوانين السلامة والصحة المهنية التي تكفل توفير بيئة آمنة تحقق الوقاية من المخاطر للعنصرين البشري والمادي.

من لهم حق شغل هذه المهنة

-          بناء علي قانون العمل رقم 12 لسنة 2003 والقرارات الوزارية المنفذه له :-

-          يجب ان يكون مسئول السلامة المهنية من الحاصلين علي مؤهل علمي عملي ( طب – صيدلة – هندسة – علوم – زراعة ) وخريجين الكليات والمعاهد العسكرية

الدرجة الوظيفية

-          اصحاب المؤهلات العليا ( اخصائي سلامة وصحة مهنية ) ثم التدرج الوظيفي بالخبره والتدريب المستمر حتي تصل الي درجة مدير سلامة وصحة مهنية

الأسبوع القادم؟

التعرف علي الدورات الأساسية

التعرف علي الدورات المتقدمة والمتخصصة

التعرف علي مجالات السلامة والصحة المهنية

(2)

السلام عليكم اخصائى السلامه والصحه المهنيه فى كل مكان فى مبادره #كاريرى_اونلاين لتأهيل الراغبين فى العمل فى القطاع الصناعى مجانا وانت فى بيتك ومن غير اى تكلفه عليك.

وقبل ما نتكلم عن موضوع الاسبوع ده. لازم نعرف الفرق بين السلامة المهنية و الأمن الصناعي وجب علينا ان نستحضر الفرق ما بينهم بناء على تعريف د/ عبدالموجود بدرى مدير عام منطقه القوى العامله بالأقصر

-          السلامه والصحه المهنيه تهتم بصحة وسلامة الاشخاص سواء العاملين او المقاولون او كل من يتردد على المنشأه او الاشخاص المجاورين للمنشأة وحمايتهم من جميع المخاطر -كذلك المنشاءات - المواد الخام - المعدات والادوات - البيئه المحيطه وحمايتها من جميع المخاطر (اجراءات يتم تطبيقها علي جميع الأنشطة وجميع المنشأت) 

-          اما الامن الصناعى فهو يهتم بسلامه العاملين وحمايتهم من المخاطر  كذلك حماية المنشاءات ولم يتطرق للامراض المهنيه او البيئة المحيطة (اجراءات يتم تطبيقها علي النشاط الصناعي وللقطاع الخاص فقط (

خلينا نتكلم عن تاريخ السلامه والصحه المهنيه والامن الصناعى ونبدا بمتي تم تغيير الأسم الي سلامة وصحة مهنية

-          تم تغير الأسم واصدار تشريعات كاملة لهذا المجال سنة 2003 ، وذلك باصدار قانون العمل المصري رقم 12 لسنة 2003 وبالتحديد الكتاب الخامس لهذا القانون 

-          وزى ما قلنا فى البوست اللى فات اننا هنتلكم عن كل شى خاص بالسلامه والصحه المهنيه واللى لسه مقرأش البوست اللى فات هتلاقى لينك البوست فى اخر المقال  وهنبدا بأهم الدورات فى مجال السلامه والصحه المهنيه واللى هتساعدك تشتغل باحترافيه فى مجال السلامه والصحه المهنيه

اول حاجة واهمها  هي دورة ( اخصائي السلامة والصحة المهنية )

طيب تاخدها من فين وازاي ؟ وخلي بالك ليتنصب عليك

الجهات المعتمدة في مصر هما:

-          معهد السلامة والصحة المهنية التابع للمؤسسة الثقافية العمالية ، وموجود في شارع 26 يوليو بوسط البلد

-          المركز القومي لدراسات السلامة والصحة المهنية وتأمين بيئة العمل ، وده مكانه في ميدان الحجاز بمصر الجديده وطبعا ليهم فروع بمعظم المحافظات

-          تاني حاجة لازم تدرب عليها هي الأسعافات الأولية  First Aid ودي ليها اكثر من مركز تدريب واهمهم هو الهلال الأحمر المصري ومقره الرئيسي بمدينة نصر امام حديقة الطفل

-          ثالث حاجة لازم تدرب عليها هي مكافحة الحرائق ( الدفاع المدني ) Fire Fighting

بعد حصولك علي هذه الشهادات الثلاثة ( اخصائي السلامة – الأسعافات الأولية – مكافحة الحرائق ) تقدر تشتغل اخصائي سلامة وصحة مهنية او Safety Officer  ، ودي اول خطوة في كارير السلامة المهنية

طيب انا اشتغلت اخصائي وعايز اطور نفسي وعندى خبره اقل من 3 سنوات فى HSE Career

-          يبقي كده ندخل علي الدورات المتقدمة ، ومنها:

1-      معاير الأوشا الأمريكية OSHA وهي شقين حسب مجال شغلك اللي هنتكلم فيه بعدين ( الأوشا في الصناعات العامة – والأوشا في الأنشاءات )

2-      تقييم المخاطر

3-      مواصفة الأيزو 45001

4-      مواصفة الأيزو 14001

5-      مواصفة الأيزو 22000

6-      ثم اعلي شهادة في هذا المجال وهي شهادة النيبوش البريطانية NEBOSH

7-      وفي بعد كدة الدراسات العليا في هذا المجال ودي هنتكلم عنها في لقاءات قادمة ان شاء الله

ايه هي مجالات العمل اللي ممكن نشتغل فيها؟

- طبقا لقانون العمل رقم 12 لسنة 2003 ، مسئول السلامة والصحة المهنية موجود في اي نشاط واي شركة او مؤسسة صناعية كانت او خدمية خصوصا اللي بيكون عدد العاملين فيها 50 فما فوق.

- وهي مقسمة الي مجالين:

-          مجال السلامة المهنية في الصناعات العامة general industrial ( المصانع والشركات – الفنادق والقري السياحية – المستشفيات – الخدمات اللوجيستية – البترول وخدماته )

-          مجال الأنشاءات constructions

(3)

انهارده ميعادنا على التعرف على ايه هى مهام وواجات ومسئوليات اخصائى السلامه والصحه المهنيه Safety officer 

وايه اللي مطلوب منك تعمله فى مكان شغلك .

ركز معايا فى النقاط دى لانها بتغطى اغلب JD الخاص بالوظيفه مع اختلاف اماكن العمل .

1-      ابدأ الرأي مع ادارة المنشأة والمختصين في التصاميم الخاص بالأنشاءات والمعدات والأجهزة الخاصة بالأنتاج والخدمات ، والأجهزة والمعدات الخاصة بالتحكم في المخاطر والملوثات وبيئة العمل والتوسعات التم تطرأعليها.

2-      تحديد السياسات وخدمات السلامة والصحة المهنية وتأمين بيئة العمل بالمنشأة. HSE Policy

3-      التعرف علي جميع الأنشطة بالمنشأة وجميع العمليات الانتاجية الجارية فيها ، كذلك التعرف علي الخامات الأولية والمواد الوسيطة وصولا الي المنتج النهائي ، كذلك المواد والنفايات الخطرة واتخاذ الأحتياطات للوقاية من المخاطر المحتملة job analysis

4-      التعرف  علي جميع المخاطر المحتملة والتي قد تؤثر سلبيا علي صحة وسلامة العاملين وعلي البيئة hazard identification

5-      تقييم المخاطر ووضع الأحتياطات والتعليمات الخاصة بطريقة العمل الأمن والحد من المخاطر Risk assessment

6-      وضع خطط الأستجابة لمواجهة الطوارئ والأزمات وتدريب العاملين عليها Emergency Plans

7-      الأشتراك في وضع المواصفات الفنية لأجهزة ومهمات الوقاية الشخصية PPEs وتدريب العاملين عليها والتحقق من فاعليتها وملائمتها لطبيعة العمل

8-      الأشتراك مع الجهة المختصة بالتدريب في وضع الخط التدريبية المطلوبة والتنسيق مع الجهات المعتمدة لتنفيذ هذه التدريبات Training Plan

9-      التفتيش اليومي وفي كل وردية عمل علي اماكن العمل والتأكد من سلامة الجميع والتزام الجميع بتعليمات السلامة والصحة المهنية Daily Audit 

10-  معاينة الحوادث والحوادث الجسيمة وا صابات العمال والأمراض المهنية  للتعارف علي اوجه القصور الذي ادى اليها واعداد التقارير الفنية الخاصة بأسابابها وطارق منعها او الحد منها Accident investigation

11-  اعداد تصاريح العمل قبل البد ء في اجراء اي عمليات للصيانة والأصلاح ، او اي عمل غير روتيني او اي نشاط جديد Work permit

12-  متابعة واجراء الصيانة الدورية والوقائية لجميع معدات الطوارئ ومكافحة الحرائق ، كذلك معدات وخطوط الأنتاج

لو عندك اى استفسار او سؤال متعلق بالنقاط الخاصه بالوصف الوظيفى ممكن ترك تعليق وانا هردعليك مباشره

تابعونا الاسبوع القادم مع #مبادره_كاريرى_اونلاين لتأهيل الراغبين فى العمل فى القطاع الصناعى مجانا على منصتنا

وكمان تقدر تسجل من هنا : https://bit.ly/2y9Ikg2 مجانا لو بتدور على شغل

م/ عطاالله خالد