Quality Management Career Tips

بسم الله و الصلاة والسلام على رسول الله زى ما اتفقنا ونوهنا ان الهدف من مجموعة المقالات دى مساعدة زميلنا الشباب حديثى التخرج اللى لسه بيبدا طريقه عشان كدا ممكن المعلومات اللى هنقولها تبقى مش جديدة للناس الخبرة ( واللى احنا مستنين منهم تفاعل اكتر ومناقشة تفيد الكل باذن الله) لكن ان شاء الله تبقى حاجه مفيدة للناس اللى لسه بتشق طريقها عشان كدا هنحاول يكون الاسلوب سهل وبسيط وكأننا قاعدين ندردش مع بعض مش بالشكل التقليدى بتاع المحاضرات

البداية دايما بتبقي صعبة علينا كلنا والبرغم من كدا هي اهم خطوة واللي بنسبة كبيرة بيبقي ليها الدور الاهم في تحديد مستقبلنا المهنى واول حاجة بتقابل اى حد هيشتغل في مجال الجودة بتبقي وهو بيقرا الاعلان بتاع الوظيفة :

-توكيد الجود QA (Quality Assurance)
- ضبط الجودةQC (Quality Control)-

طيب هو ايه الفرق بينهم ؟؟

- التعريف:

نبدا الموضوع بشكل محترف ونعرف ISO 9000 عرفتهم ازاى

1-    Quality Control

-       The operational techniques and activities that are used to fulfill requirements for quality

اى ضبط الجودة المقصود بها مجموعة من العمليات والانشطة التى تستخدم للتحقق من ان المنتج أو الخدمة المقدمة مطابقة للمواصفات

2-     Quality Assurance

-        All those planned and systematic activities implemented to provide adequate confidence that an entity will fulfill requirements for quality

اى ان توكيد الجودة يقصد بها مجموعة الاجراءات المخطط لها مسبقا بشكل منظم لضمان ان يكون المنتج (او الخدمة المقدمة) مطابق للمواصفات .

او باسلوب ابسط توكيد الجودة معناه انك تاسس نظام يضمن انتاج منتج جيد بشكل سليم ومنظم اما ضبط الجودة معناه ان القياسات و النتائج مطابقة لما تم التخطيط له

-       Quality Assurance makes sure you are doing the right things, the right way.

-       Quality Control makes sure the results of what you have done are what you expected.

المهام والعمليات

ضبط او رقابة الجودة Quality control

تختلف متطلبات الجودة حسب طبيعة النشاط و بالتالي يختلف معها أسلوب الرقابة المطلوبة و لكن هناك خطوط عريضة مرتبطة بعملية ضبط/رقابة الجودة على الرغم من اختلاف الأنشطة الإنتاجية و إليكم بعض منها:

1-     عمليات سحب العينات و تتم وفق خطة موضوعة تعرف بخطة سحب العينات و تشمل مدخلات العملية الإنتاجية من خامات و مواد تغليف أو مواد بناء و مهمات أو غيرها حسب النشاط الإنتاجي

2-     عمليات الفحص الظاهري و الاختبارات الفيزيائية و مدى تطابقها مع المواصفات

3-      إجراء العمليات التحليلية كيميائياً و مطابقتها بالمواصفات و التحقق من أنها تتطابق مع معايير القبول و الرفض المنصوص عليها.

4-     المتابعة المرحلية على المنتج أو الخدمة و حتى الوصول لمرحلة المنتج النهائي او ما يسمى In-Process Control

توكيد الجودة Quality Assurance

من المهام و العمليات التى تقوم بها :

1-     التحقق من سير العمليات موثقا بالمستندات و الأدلة التي تضمن سلامة خطوات العمل بصورة صحيحة.

2-     التحقق من أن كل مدخلات العمل و الوسائل المساعدة مضبوطة و وفق المعايير و الضوابط مثل التحقق من الخطة العمل و خطوات التنفيذ و التاكد من أن طرق العمل مقيمة أو تم إجراء Validation لها و أن أجهزة القياس و العدادات معايرة Calibrated و أن الماكينات صالحة ومطابقة للمهام المحددة لها

3-     . تقديم تقارير تقييم أداء العمل للإدارة العليا.

4-     . التحقق من عمليات التدريب العام و التدريب المتخصص على المهام و أن الأشخاص القائمين بالأعمال لديهم شهادات صلاحية ومؤهلين للقيام بوظائفهم

و النقاط موضع اهتمام كل قسم منهمودى كانت البدايه فى اول بوست وفى المرات القادمه ان شاء الله هنتناول شرح كل قسم على حده وهندخل فى تفاصيل تانيه مهمتها الاساسيه هى تأهيلك لسوق العمل فى القطاع الصناعى .

 (2)

بعد المقال بتاع الاسبوع اللى فات واللى اتكلمنا فيه عن الفرق بين ال QA  و QC   جاه لنا سؤال مهم جدا و السؤال جلنا باكتر من صيغة ولكن المعنى واحد وكان لازم نجاوب عليه

 ايه هو السؤال ده ؟؟

-          هو مش ال QA   اللى هو يعنى الراجل بتاع الايزو ؟؟؟

سؤال مهم جدا  وعشان نجاوب عليه لازم نعرف يعنى الايزو او يعنى ايه الشركة دى حاصلة على شهادة الايزو

معنى ان احدى الشركات حاصلة على شهادة الايزو او شهادة تانية

 ان الشركة دي حققت المتطلبات الخاصة لمواصفة معينة وان الجهة اللى اصدرت المواصفة دى (عن طريق احد وكلائها المعتمدين) عملت مراجعة عليهم واتاكدت من تطبيق متطلبات المواصفة ودى شهادة منها بكدا

طب ايه هي المواصفات  دى وايه الفرق بينهم ؟؟

بتختلف انواع المواصفات على حسب الجهة اللى اصدراتها زى مثلا ISO , OSHAS,  وكمان على حسب مجال التطبيق اوال Scope

ودى بعض الامثلة لاشهر المواصفات:

·         مواصفة الأيزو 9001: وهي الاكثر شعبية والاكثر تطبيقا والاكثر شهرة حيث انها قابلة للتطبيق على اى مؤسسة او نشاط سواء نشاط صناعى اوخدمى  وتتعلق بنظام الجودة داخل الشركة

·         مواصفة الأيزو 14001: وتتعلق بنظام إدارة البيئة داخل المؤسسة ويساعد في تحسين النظام البيئي داخل الشركة وتحسين كفاءة وعمل الشركة

·         مواصفة أيزو 22000: وتتعلق بنظام إدارة سلامة الغذاء وما يتعلق بها من تحليل ومخاطر ونقاط تحكم داخل المؤسسة وهي مواصفة تحمل مواصفات سلامة الغذاء العالمية ومعترف بها من جميع دول العالم

·         مواصفة 18001 OHSAS: وتتعلق بنظام إدارة الصحة والسلامة المهنية داخل المؤسسة وهذه المواصفة هي بمعايير بريطانية معترف بها عالميا

( ولو عايز تعرف تفصيل اكتر عن المواصفة دي بالذات او اى مواصفة تتعلق بالسلامة والصحة المهنية تابع البوست الاسبوعى كل يوم اثنين مع  خبير السلامة والصحة المهنية م/ عطا الله خالد )

هنلاحظ ان كل مواصفة فى اللي احنا قولنهم بتركز على مجال معين

-          ده غير ان في مواصفات بتبقي متخصصة في التطبيق على انشطة معينة زى مثلا ISO 17025  ودى متخصصة في التطبيق على المعامل يعنى ما تنفعش تتطبق على مكتب هندسي مثلا

-          وناخذ بالنا كمان ان بعد كل رقم بيتكتب سنة ودي بتبقي تاريخ الاصدار بتاع المواصفة لان رقم المواصفة لا يتغير ولكن لما بيحصل تعديل في المواصفة بيتغير تاريخ الاصدار على سبيل المثال الاصدار الحالى لل ISO 9001  هو 2015 عشان كده بنكتب المواصفة بالشكل ده ISO 9001:2015 

-          ويمكن للشركة ان تحصل على اكثر من شهادة  وممكن كمان الشركة تاسس نظام متكامل او ما يعرف بال integrated system بحيث انه يغطى متطلبات جميع المواصفات اللى الشركة عايزة تطبقها

يعنى من الاخر هى نظام ( System)  الشركة بتطبقه لتحقيق متطلبات معينة

نرجع بقي للسؤال بتاعنا – هو كان  ايه السؤال – ايوه ليه بعض الناس بتقول " مش ال QA   اللى هو يعنى الراجل بتاع الايزو ؟؟؟ "

بما اننا اتفقنا ان الايزو ده نظام (او سيستم زى ما بيقولوا )  و لو انت فاكر احنا قولنا في المقال اللى فات ان QA  هو معناه انك تاسس نظام يضمن انتاج منتج جيد بشكل سليم ومنظم  فاصبح من مسئولية ال QA  انه يربط بين النظام اللى الشركة بتطبقه ومتطلبات المواصفة ويتاكد ان كل المتطلبات دى محققة في كل العمليات والاجراءات اللى بتم داخل الشركة بكل اداراتها يعنى كل الشركة مسئولة عن تطبيق النظام 

يعنى مطلعش QA  بس هو بتاع  الايزو -  طلعنا كلنا بتوع ايزو 

طيب لو واحد خريج جديد او واحد لسه عايزيبدا مشواره المهنى وعايز يتخصص في QA  يبدا منين

خد بقي الكام نصيحة دول:

·         زيك زي اى خريج جديد في اى مجال لازم تتعلم حاجتين وتتقنهم كويس اولهم  اللغة لان ببساطة اللغة الام لاغلب المواصفات هى اللغة الانجليزية وفرق كبير لما تقرا المواصفة وتفهمها باللغة الام بتعتها او تقراها مترجمة وكمان اغلب الشركات بتستخدم اللغة الانجليزية حتى لو شركات محلية

·         الحاجة التانية هى Microsoft office  خاصا ال word وال Excel وده بشكل مبدائى لان في برامج تانية هاتحتاجه بعدين بس صدقنى لو انت كويس في الاتنين دول هايفرقوا معاك كتير

·         لازم تدخل على المواقع الخاصة بالمواصفات  الايزو مثلا وده الموقع بتاعهم  www.iso.org وتعمل حساب عليه عشان تقدر تتابع كل جديد في مجالك

·         ضرورى جدا تاخد كورس في المراجعة الداخلية internal auditing لانك من خلاله هتتعلم يعنى مواصفات وازى تقرا المواصفة وتفهمها وتطبقه

·         طبعا لازم تاخد كورسات في المواصفات المختلفة وتدرسها كويس عشان تعرف تتطبقها وطبعا يفضل انك تبدا بالمواصفة اللى احنا ذكرنها في اول المقال  ISO 9001:2015  لانها زى ما قولنا الاكثر شهره والاكثر تطبيقا

لو عملت الخطوات دى تبقى كدا انت حطيت رجلك على اول الطريق ومع بعض ان شاء الله هنبدا نتكلم في موضيع  اكثر عشان تبقي اكثر احترافية

(3) 

هنبدأ نتكلم انهادره عن واحدة من اهم الاعمال المرتبطة بنظام الجودة في اى شركة واللى لما تتطبق على ارض الواقع بشكل جيد بنقدر نعرف من خلالها الشركة فين و رايحة على فين موضوعنا انهارده عن " المراجعة الداخلية Internal Auditing  "

اولا نعرف يعنى ايه مراجعة او تعريف المراجعة

 Audit Definition:

-       Systematic, independent and documented process for obtaining audit evidence and evaluating it objectively to determine the extent to which agreed criteria are fulfilled

يعنى هى عملية منظمة ومستقلة وموثقة (ونركز اوى على الثلاث الكلمات اللى فاتوا وهاتعرفوا ليه بعدين 😉 ( للحصول علي دليل المراجعة وتقييمه بموضوعية لتحديد الي اي مدي تم تحقيق المعايير او الاسس التى تم الاتفاق عليها

في البداية قبل ما ندخل في التفاصيل لازم نعرف المفاهيم اللى جاية كويس :

-          المراجع الداخلي Internal Auditor 

هو شخص مؤهل ومدرب  لتنفيذ المراجعات الداخلية

-          المراجع عليه  Auditee

هو الشخص ممثل الجهة الذي سوف يتم المراجعة عليها

-          عدم المطابقة  Non-Conformity

عدم  تحقيق المتطلبات او المواصفات المنصوص عليها

-          الإجراء التصحيحي  Corrective Action

هو إجراء متخذ لإزالة اسباب عدم المطابقة

ما هي انواع المرجعات  Types of audits   ؟

يوجد ثلاث  انواع من المراجعات

1-     مراجعات الطرف الاول ( المراجعات الداخلية) or internal audit first-party audit

هي المراجعات التي تقوم بها الشركة على النظام المطبق بها بواسطة المراجعين  الداخليين  العاملين فيها  (the internal auditors ) 

2-  مراجعات الطرف الثاني ( المراجعات الخارجية ) second-party audit or external audit

هى المراجعات التي تقوم بها الشركة على مورديها ومقدمى الخدمات لها للتأكد من قدرتهم على الوفاء  بمتطلبات العمل مع الشركة .

ويمكن ان تقوم بها جهات خارجية نياية عن الشركة لتاكد من تطبيق النظام

3-  مراجعات الطرف الثالث Third party audit

هي مراجعات التقييم التي تقوم بها الجهات المانحة للشهادات الدولية للتاكد من مطابقة النظام المتبع داخل الشركة  لمتطلبات المواصفة على سبيل المثال المواصفة القياسية   ISO 9001:2015
و كذلك المراجعات  التى تقوم بها أية جهات إلزامية او تشريعية أخرى .

ما هى اهداف المراجعة ؟

-          قياس درجة فاعلية النظام و التأكد من تطابقه مع سياسات ونظم الجودة وإجراءات العمل المتبعة داخل الشركة

-          التعرف على نقاط الضعف في النظام والتي يمكن أن تسبب أزمات .

-          توفر المعلومات التي تساهم في عمل التغييرات الرئيسية والتحسين في نظام الجودة .

-          الحد من شكاوى العملاء و التاكد من كيفية معالجة هذة الشكوى في حال وجودها

-          تقليل أو منع العمليات التي ينتج عنها عدم مطابقة للمواصفات أو إعادة تشغيل او رواكد .

وبكدا نكون انهينا مقال انهارده وان شاء الله في المقال اللى جاى نعرف ايه هى مراحل عملية المراجعة وازاى بيتم تنفيذها

تابعونا الاسبوع القادم مع #مبادره_كاريرى_اونلاين لتأهيل الراغبين فى العمل فى القطاع الصناعى مجانا على منصتنا

وكمان تقدر تسجل من هنا : https://bit.ly/2y9Ikg2 مجانا لو بتدور على شغل

م/ كريم جلال